Падзеі

Лукашэнка павіншаваў работнікаў "Белавія": вы прымножылі лепшыя традыцыі грамадзянскай авіяцыі

5 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў работнікаў і ветэранаў ААТ "Авіякампанія "Белавія" з 25-годдзем з дня яго ўтварэння.

"Вы захавалі і прымножылі лепшыя традыцыі беларускай грамадзянскай авіяцыі і сёння з'яўляецеся сапраўдным брэндам краіны. Самалёты з эмблемай "Белавія" добра ведаюць у дзясятках аэрапортаў свету, геаграфія палётаў пастаянна пашыраецца, некалькі мільёнаў пасажыраў штогод выбіраюць беларускага перавозчыка", - гаворыцца ў віншаванні.

Кіраўнік дзяржавы выказаў перакананне, што і ў далейшым мадэрнізацыя паветранага флоту, укараненне новых інфармацыйных тэхналогій і пастаяннае павышэнне якасці абслугоўвання будуць садзейнічаць росту "Белавія" ў якасці адной з самых прагрэсіўных і запатрабаваных авіякампаній Еўропы.

Аляксандр Лукашэнка пажадаў работнікам і ветэранам "Белавія" моцнага здароўя, дабрабыту, удачы ў рэалізацыі намечаных планаў і новых працоўных поспехаў.

версія для друку

зрабіць стартавай

дабавіць у выбранае