Падзеі

Лукашэнка павіншаваў Прэзідэнта Узбекістана з днём нараджэння

Фота з архiва

24 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Узбекістана Шаўката Мірзіёева з днём нараджэння, паведамілі БЕЛТА ў прэс-службе беларускага лідара.

"Вашы высокі прафесіяналізм і талент кіраўніка, самаадданае служэнне свайму народу па праву прынеслі вам пашану і прызнанне на радзіме і далёка за яе межамі", - гаворыцца ў віншаванні.

Кіраўнік дзяржавы падкрэсліў, што пры асабістым удзеле Шаўката Мірзіёева беларуска-ўзбекскае супрацоўніцтва, заснаванае на трывалых традыцыях дружбы і ўзаемаразумення, набыло якасна новы характар. "Усё больш змястоўным і дынамічным становіцца дыялог паміж нашымі дзяржавамі на ўсіх узроўнях, паспяхова рэалізуюцца маштабныя сумесныя праекты ў эканамічнай галіне, прыкметна актывізаваліся кантакты ў навукова-тэхнічнай, гуманітарнай і іншых сферах", - адзначыў Прэзідэнт.

Аляксандр Лукашэнка пажадаў узбекскаму калегу моцнага здароўя, дабра і нязменных перамог у кожным пачынанні.

версія для друку

зрабіць стартавай

дабавіць у выбранае