Падзеі

Лукашэнка павіншаваў Прэзідэнта Манголіі з нацыянальным святам Наадам і запрасіў яго ў Беларусь

Фота з архiва

11 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Манголіі Ухнаагійн Хурэлсуха з нацыянальным святам - Наадамам. Аб гэтым БЕЛТА паведамілі ў прэс-службе беларускага лідара.

"Фестываль, які ідзе каранямі ў гісторыю вашай краіны, ярка дэманструе ўнікальнасць Манголіі, самабытнасць яе культуры і невычэрпную энергію народа, - гаворыцца ў віншаванні. - Гэтыя спаборніцтвы паказваюць, што сіла нацыянальнага духу жыве не на старонках падручнікаў гісторыі, а ў кожным мангольскім барцы, стралку з лука і юным конніку, які імчыцца па стэпе".

Кіраўнік дзяржавы адзначыў, што Манголія зрабіла на яго незабыўнае ўражанне. "У сваю чаргу з нецярпеннем чакаю Вас, дарагі сябар, з візітам у адказ на гасціннай беларускай зямлі", - дадаў ён.

Прэзідэнт Беларусі пажадаў Прэзідэнту Манголіі і ўсяму мангольскаму народу дабрабыту і працвітання: "Няхай вечна сіняе неба Манголіі заўсёды будзе бязвоблачным".

версія для друку

зрабіць стартавай

дабавіць у выбранае