Падзеі

Лукашэнка павіншаваў Прэзідэнта Кыргызстана Садыра Жапарава з днём нараджэння

Садыр Жапараў. Фота з архіва

6 снежня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Кыргызстана Садыра Жапарава з днём нараджэння. Аб гэтым БЕЛТА паведамілі ў прэс-службе беларускага лідара.

"Ваша плённая дзейнасць на пасадзе кіраўніка дзяржавы - прыклад прафесіяналізму, палітычнай дальнабачнасці і цвёрдасці духу, якія вы праяўляеце ў адстойванні інтарэсаў Кыргызскай Рэспублікі", - гаворыцца ў віншаванні.

"З цеплынёй успамінаю лістападаўскую сустрэчу ў г.Бішкеку ў рамках пасяджэння Савета калектыўнай бяспекі АДКБ, дзе быў вырашаны шэраг важных пытанняў у галіне забеспячэння стабільнасці ў рэгіёне", - дадаў беларускі лідар.

Аляксандр Лукашэнка высока ацаніў уклад Садыра Жапарава ў развіццё дружалюбных адносін паміж Беларуссю і Кыргызстанам, а таксама садзейнічанне эфектыўнаму і ўзаемавыгаднаму супрацоўніцтву. "Упэўнены, што нашы сумесныя намаганні, накіраваныя на рэалізацыю патэнцыялу беларуска-кыргызскага партнёрства, будуць садзейнічаць далейшаму ўмацаванню двухбаковага ўзаемадзеяння", - падкрэсліў ён.

Прэзідэнт Беларусі пажадаў Прэзідэнту Кыргызстана добрага здароўя, невычэрпнай энергіі і поспехаў у стваральнай працы.

версія для друку

зрабіць стартавай

дабавіць у выбранае