У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

30 Май 2019

Лукашэнка павіншаваў лётчыка-касманаўта Аляксея Лявонава з днём нараджэння

Лукашэнка павіншаваў лётчыка-касманаўта Аляксея Лявонава з днём нараджэння
Фота з архіву

30 мая, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў лётчыка-касманаўта СССР, двойчы Героя Савецкага Саюза Аляксея Лявонава з днём нараджэння. Аб гэтым БЕЛТА паведамілі ў прэс-службе беларускага лідара.

"Ваша жыццё - яркі прыклад гераічнага і самаадданага служэння на карысць Айчыны. Некалькі пакаленняў хлопчыкаў і дзяўчынак, раўняючыся на Вас, пераканаліся, што мэтанакіраванасць і ўпартая праца вядуць да здзяйснення самай смелай мары", - гаворыцца ў віншаванні.

Кіраўнік дзяржавы падкрэсліў, што ў Беларусі ведаюць і глыбока паважаюць Аляксея Лявонава як дастойнага прадстаўніка легендарнага атрада савецкіх касманаўтаў, надзвычай мужнага чалавека, які першым ступіў у адкрыты космас і зрабіў прарыў у сусветнай гісторыі асваення пазаземнай прасторы.

"Неацэнны і Ваш уклад у папулярызацыю касманаўтыкі: навукова-папулярныя кнігі і маляўнічыя палотны расказваюць жыхарам Зямлі пра асваенне дзіўнага і бязмежнага Сусвету, адначасова нагадваючы аб тым, якой цудоўнай з'яўляецца наша родная планета, - канстатаваў Прэзідэнт. - Упэўнены, што Вашы аўтарытэт і актыўная грамадзянская пазіцыя заўсёды будуць служыць умацаванню дружалюбных узаемаадносін паміж брацкімі народамі Беларусі і Расіі".

Аляксандр Лукашэнка пажадаў Аляксею Лявонаву моцнага здароўя, невычэрпнай энергіі, поспехаў у творчасці і дасягненні новых вышынь.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс