Падзеі

Лукашэнка павіншаваў Даніэля Артэгу з перамогай на выбарах прэзідэнта Нікарагуа

17 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Хасэ Даніэля Артэгу Сааведру з пераканаўчай перамогай на выбарах Прэзідэнта Рэспублікі Нікарагуа. Аб гэтым БЕЛТА паведамілі ў прэс-службе беларускага лідара.

"На працягу дзесяцігоддзяў вы нязменна карыстаецеся шырокай падтрымкай грамадзян сваёй краіны. Упэўнены, што пад вашым мудрым кіраўніцтвам Нікарагуа дасягне значнага прагрэсу ў сацыяльным і эканамічным развіцці, а шматгадовыя дружалюбныя адносіны з Беларуссю прадоўжаць пашырацца і ўмацоўвацца, адкрываючы новыя гарызонты ўзаемавыгаднага партнёрства", - гаворыцца ў віншаванні.

Аляксандр Лукашэнка пажадаў Хасэ Даніэлю Артэгу Сааведру добрага здароўя, поспехаў у выкананні адказнай дзяржаўнай місіі, а нікарагуанскаму народу - міру і працвітання.

версія для друку

зрабіць стартавай

дабавіць у выбранае