Падзеі

Лукашэнка павіншаваў Брыса Клотэра Алігі Нгему з выбраннем на пасаду Прэзідэнта Габона

Брыс Клотэр Алігі Нгема. Фота AfrikImages Agency

3 мая, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Брыса Клотэра Алігі Нгему з выбраннем на пасаду Прэзідэнта Габонскай Рэспублікі. Аб гэтым БЕЛТА паведамілі ў прэс-службе беларускага лідара.

"Вынікі галасавання і Ваша пераканаўчая перамога сведчаць аб высокім даверы людзей палітычнаму і сацыяльна-эканамічнаму курсу, які Вы праводзіце. Падкрэсліваю зацікаўленасць ва ўмацаванні беларуска-габонскай дружбы на карысць нашых народаў. Адзначаю вялікі патэнцыял для актывізацыі палітычнага дыялогу і плённага супрацоўніцтва ў гандлёва-эканамічнай, навукова-тэхнічнай, гуманітарнай і іншых сферах", - гаворыцца ў віншаванні.

Аляксандр Лукашэнка падкрэсліў, што Беларусь гатова прапанаваць свой вопыт і кампетэнцыі, якія будуць садзейнічаць павышэнню ўзроўню харчовай бяспекі і дабрабыту грамадзян Габона.

"Буду рады сустрэцца з Вамі ў Мінску ці Лібрэвілі альбо ў час міжнародных мерапрыемстваў для абмеркавання шляхоў нарошчвання дынамікі двухбаковых адносін", - адзначыў кіраўнік дзяржавы.

версія для друку

зрабіць стартавай

дабавіць у выбранае