29 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Туркменістана Гурбангулы Бердымухамедава з днём нараджэння. Аб гэтым БЕЛТА паведамілі ў прэс-службе беларускага лідара.
"Уласцівыя вам прынцыповасць, стратэгічнае мысленне і талент кіраўніка многія гады служаць высакароднай справе ўмацавання дзяржаўнасці, эканамічнага патэнцыялу і аўтарытэту Туркменістана на міжнароднай арэне", - гаворыцца ў віншаванні.
Аляксандр Лукашэнка пацвердзіў гатоўнасць да пашырэння плённага ўзаемадзеяння паміж Мінскам і Ашхабадам, якое ў поўнай меры адпавядае інтарэсам дружалюбных народаў абедзвюх краін.
"Упэўнены, што ваш асабісты ўдзел надасць істотны імпульс далейшаму развіццю двухбаковых адносін, паспяховай рэалізацыі новых сумесных планаў і ініцыятыў", - падкрэсліў Прэзідэнт.