Падзеі

Лукашэнка пацвердзіў гатоўнасць да развіцця кааперацыі з Кубай у розных галінах

Фота з архiва

26 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка ад імя суайчыннікаў і сябе асабіста павіншаваў Прэзідэнта Кубы Мігеля Марыа Дыяс-Канеля Бермудэса, а таксама народ гэтай краіны з Днём нацыянальнага паўстання. Аб гэтым БЕЛТА паведамілі ў прэс-службе беларускага лідара.

"Беларусь у захапленні ад волі і стойкасці кубінцаў, якія ўпэўнена адстойваюць права на выбар уласнага шляху развіцця", - гаворыцца ў віншаванні.

Аляксандр Лукашэнка адзначыў, што чарговы афіцыйны візіт Мігеля Дыяс-Канеля Бермудэса ў Беларусь, які адбыўся месяц таму, пацвердзіў не толькі глыбіню міждзяржаўных адносін паміж дзвюма краінамі, але і асаблівую цеплыню чалавечых адносін.

"Мінск і Гавана будуюць супрацоўніцтва выключна на аснове дружбы і ўзаемаразумення, маюць блізкія пазіцыі па асноўных пытаннях сучаснасці. Актыўны палітычны дыялог на вышэйшым і высокім узроўнях, пашырэнне кантактаў у рамках міжнародных арганізацый з кожным годам толькі нарошчваюць дынаміку, - падкрэсліў беларускі лідар. - За кароткі перыяд мы дасягнулі значных вынікаў па такіх перспектыўных напрамках, як харчовая бяспека і прамысловая мадэрнізацыя. Пацвярджаю гатоўнасць да экспарту рухавікоў і медыцынскіх прэпаратаў, а таксама да развіцця кааперацыі ў будаўніцтве, энергетыцы, транспартнай інфраструктуры і іншых сферах узаемнага інтарэсу".

Аляксандр Лукашэнка пажадаў кубінскаму калегу моцнага здароўя і поспехаў у дзяржаўнай дзейнасці, а грамадзянам Кубы - дабрабыту, міру і працвітання.

версія для друку

зрабіць стартавай

дабавіць у выбранае