У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

16 Снж 2015

Лукашэнка патрабуе ўдасканаліць напрамкі дзейнасці сілавога блока

16 снежня, Мінск /Аліна Грышкевіч - БЕЛТА/. Прэзідэнт Беларусі Аляксандр Лукашэнка запатрабаваў удасканаліць напрамкі дзейнасці сілавога блока. Гэта патрабаванне кіраўнік дзяржавы агучыў сёння на нарадзе, перадае карэспандэнт БЕЛТА.

Аляксандр Лукашэнка падкрэсліў, што на сённяшняй нарадзе трэба будзе абмеркаваць сітуацыю бяспекі Беларусі, а таксама некаторыя пытанні асобных ведамстваў, тым больш што нядаўна быў назначаны новы старшыня Следчага камітэта. "Хацелася б пачуць, што адбываецца ў следчым падраздзяленні, з яго пункту гледжання. Дзяржсакратар Савета Бяспекі даложыць у цэлым аб пытаннях дзейнасці праваахоўнага блока, тэме бяспекі, а таксама якія ёсць прапановы па ўдасканаленні напрамкаў дзейнасці сілавога блока, - падкрэсліў кіраўнік дзяржавы. - Я так разумею, што па кадравых пытаннях у сілавым і праваахоўным блоку праблем няма. Усе працуюць, і перазацвярджэння ў прынцыпе не патрабуецца. Яны сёння працуюць у тым жа рэжыме, як і працавалі".

Аляксандр Лукашэнка таксама падкрэсліў, што ўдзельнікі нарады абмяняюцца меркаваннямі па пытаннях бяспекі. Пры гэтым Прэзідэнт асабліва адзначыў: "Нам нельга ўпускаць сітуацыю з Украінай". Паводле яго слоў, тое, што МУС затрымлівае на вакзале незразумелых людзей, сведчыць, што расслабляцца ні ў якім разе нельга.

На мерапрыемстве кіраўнік пагранкамітэта праінфармуе аб дзеяннях па ўмацаванні паўднёвай граніцы. "Больш таго, я хачу вас проста папярэдзіць: з 1 студзеня пачынае дзейнічаць пагадненне Украіны з ЕС. Зразумела, што гэта пагадненне напружвае не толькі Расію, хоць заклапочанасць выказвалася і раней, больш за год таму. На праведзенай сустрэчы Прэзідэнт Расіі звяртаў увагу на ўступленне ў сілу гэтага пагаднення, якое прывядзе да пэўных рызык для Расіі, і для нас, у тым ліку Казахстана. Таму нам трэба быць гатовымі абмяркоўваць у гэтым плане названыя пытанні - нам траім у ЕАЭС плюс Арменія і Кыргызстан, і з Украінай нейкім чынам папярэдне абмяркоўваць гэтыя праблемы. Таму што само не разыдзецца", - падкрэсліў Аляксандр Лукашэнка.

Пры гэтым ён адзначыў, што ў Беларусі хапае і сваіх праблем у эканоміцы, але калі яшчэ хлынуць тавары з Еўрапейскага саюза, якія будуць увозіцца па нулявой стаўцы ва Украіну, тады мала не падасца. "Таму ўсё, што мы рабілі па ўмацаванні паўднёвых рубяжоў нашай краіны ў плане бяспекі і эканомікі, аказалася сёння запатрабаваным. Я хацеў бы пачуць, як у нас ідуць справы з умацаваннем граніцы", - адзначыў Прэзідэнт.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі