Падзеі

Лукашэнка памілаваў 23 чалавекi, якія ўчынілі злачынствы экстрэмісцкай накіраванасці

Фота з архiва

18 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка памілаваў 23 чалавекi, якія ўчынілі злачынствы экстрэмісцкай накіраванасці. Кіраўнік дзяржавы падпісаў адпаведны ўказ, паведамілі ў прэс-службе беларускага лідара.

Усе яны напісалі прашэнні аб памілаванні, прызналі сваю віну і раскаяліся. Гэта тры жанчыны і 20 мужчын. Сярод памілаваных 13 чалавек старэйшых за 50 гадоў, 14 маюць хранічныя захворванні, у 12 ёсць дзеці, у тым ліку адзін - шматдзетны бацька.

Гэта рашэнне прынята зыходзячы з прынцыпаў гуманізму. Памілаваным прадастаўляецца шанц вярнуцца да нармальнага жыцця. Міністэрства ўнутраных спраў забяспечыць кантроль за іх правапаслухмянымі паводзінамі.

версія для друку

зрабіць стартавай

дабавіць у выбранае