Падзеі

Лукашэнка падпісаў законы аб ратыфікацыі двух міжнародных дагавораў з Расіяй

Фота з архiва

14 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка 14 кастрычніка падпісаў законы аб ратыфікацыі двух міжнародных дагавораў з Расіяй. Аб гэтым БЕЛТА паведамілі ў прэс-службе кіраўніка дзяржавы.

Адзін з іх - пратакол аб унясенні змяненняў у дагавор паміж Беларуссю і Расіяй аб роўных правах грамадзян ад 25 снежня 1998 года. Яго рэалізацыя дасць магчымасць на ўзаемнай аснове беларускім і расійскім грамадзянам, якія пастаянна пражываюць на тэрыторыі іншай дзяржавы, удзельнічаць у мясцовых выбарах (выбіраць і быць выбранымі ў органы мясцовага самакіравання).

Іншы дакумент - пагадненне паміж Беларуссю і Расіяй аб мерах па ўзаемнай абароне грамадзян ад неабгрунтаванага праследавання замежнымі дзяржавамі і міжнароднымі органамі юстыцыі. Яго прадметам з'яўляецца абарона грамадзян, у тым ліку дзеючых або былых службовых асоб, ад неабгрунтаванага праследавання трэцімі бакамі з улікам тэндэнцыі па палітызацыі міжнародных судовых органаў і іншых міжнародных механізмаў крымінальнай юстыцыі.

версія для друку

зрабіць стартавай

дабавіць у выбранае