Падзеі

Лукашэнка падарыў Халіфу Хафтару аўтобусы і трактары, паабяцаўшы прыехаць у Лівію

18 лютага, Мінск /Кар. БЕЛТА/. Прэзідэнт Беларусі Аляксандр Лукашэнка падарыў фельдмаршалу і вярхоўнаму галоўнакамандуючаму Лівійскай нацыянальнай арміяй Халіфу Белкасіму Хафтару сертыфікаты на беларускія аўтобусы і трактары, перадае карэспандэнт БЕЛТА.

Падораны сертыфікаты на 10 аўтобусаў "МАЗ 206" і на столькі ж трактароў "BЕLARUS 820".

Кіраўнік дзяржавы таксама падарыў лівійскаму госцю карзіну з рознымі беларускімі прадуктамі харчавання і ласункі. "Захоўваць доўга нельга. Без кансервантаў (ласункі. - Заўвага БЕЛТА)", - папярэдзіў ён.

У адказ Халіфа Хафтар падарыў беларускаму лідару традыцыйную шаблю.

"Прыязджайце ў любы час да нас. Будзем рады. Але я ў Лівію прыеду", - заявіў Аляксандр Лукашэнка.

версія для друку

зрабіць стартавай

дабавіць у выбранае