Падзеі

Лукашэнка ўнёс кандыдатуру Аляксея Кушнарэнкі для выбрання членам Прэзідыума УНС

Аляксей Кушнарэнка. Фота з архiва

19 снежня, Мінск /Кар. БЕЛТА/. Прэзідэнт Беларусі, Старшыня VII Усебеларускага народнага сходу Аляксандр Лукашэнка ўнёс кандыдатуру Аляксея Кушнарэнкі для выбрання членам Прэзідыума УНС, перадае карэспандэнт БЕЛТА.

Вакансія ў Прэзідыуме ўзнікла вясной бягучага года пасля кадравых змяненняў ва ўрадзе - Канстанцін Бурак быў назначаны памочнікам Прэзідэнта - інспектарам па Гродзенскай вобласці, у сувязі з чым страціў статус дэлегата УНС і члена Прэзідыума.

У адпаведнасці з законам "Аб Усебеларускім народным сходзе" члены Прэзідыума выбіраюцца тайным галасаваннем. Час, месца і працэдуру тайнага галасавання растлумачыла старшыня Падліковай камісіі УНС Іна Мядзведзева.

"Тое, што мы абавязкова павінны (зрабіць. - Заўвага БЕЛТА), згодна з нашай дэмакратыяй. Ужо крытыкуюць мяне за гэта. Але пры чым тут я? Гэта ж вы прымалі рашэнне, што ўсе члены Прэзідыума УНС выбіраюцца тайным галасаваннем. Многія цяпер, нават Аляксандр Мікалаевіч (намеснік Старшыні УНС Аляксандр Косінец. - Заўвага БЕЛТА) гаворыць, што гэта можна было б рабіць і адкрытым галасаваннем, - сказаў Аляксандр Лукашэнка. - Атрымліваецца так, што члена Прэзідыума тайна выбіраем, а далей мы будзем назначаць суддзяў Вярхоўнага і Канстытуцыйнага судоў - гэта адкрытым галасаваннем. Таму мы разгледзім, яшчэ раз вернемся да гэтага закона. І трэба падрэгуляваць, каб час сапраўды не губляць, неяк ураўнаважыць і збалансаваць сітуацыю".

версія для друку

зрабіць стартавай

дабавіць у выбранае