Падзеі

Лукашэнка не выключае магчымасці пераўтварэння канцэрна "Беллегпрам" у міністэрства

13 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка не выключае магчымасці пераўтварэння канцэрна "Беллегпрам" у міністэрства. Аб гэтым ён заявіў пры ўзгадненні Надзеі Лазарэвіч на пасаду кіраўніка канцэрна, перадае карэспандэнт БЕЛТА.

"Фактычна міністэрская пасада. Тут нам трэба яшчэ паглядзець па рэфармаванні сістэмы кіравання. Можа, стварыць міністэрства без усялякіх гэтых канцэрнаў. Калі гэта патрэбна будзе, недзе нешта дабавіўшы, недзе нешта забраўшы. Гэта мы асобна паглядзім", - заявіў кіраўнік дзяржавы.

Аляксандр Лукашэнка адзначыў, што і Адміністрацыя Прэзідэнта, і ўрад яго інфармуюць аб тым, што сітуацыя ў канцэрне няпростая. "Па розных прычынах. І, ставячыся з недаверам заўсёды да якой-небудзь інфармацыі, у гэтым выпадку я веру ў тое, што там сітуацыя няпростая", - сказаў Прэзідэнт.

"Выцягнуць гэту галіну трэба. Гэта людзі. Трэба накарміць і апрануць людзей. Накарміць нібыта накармілі. І апранулі. Але трэба не ўпусціць гэта ўсё", - даручыў кіраўнік дзяржавы.

версія для друку

зрабіць стартавай

дабавіць у выбранае