Падзеі

Лукашэнка назваў важнейшае пытанне, пра якое нялішне гаварыць і тысячны раз

30 ліпеня, Брэст /Кар. БЕЛТА/. Прэзідэнт Беларусі Аляксандр Лукашэнка на нарадзе аб перспектывах развіцця холдынга "Гарызонт", у тым ліку Брэсцкага электралямпавага завода, зрабіў акцэнт на выкананні дысцыпліны і тэхналогій, перадае карэспандэнт БЕЛТА.

Кіраўнік дзяржавы падкрэсліў, што ў Беларусі захавалі спадчыну, якая дасталася ад Савецкага Саюза, уключаючы прадпрыемствы, кампетэнцыі і вопыт кіравання. "Мы ўсё гэта захавалі. Дык давайце рухацца наперад, - сказаў Прэзідэнт. - Мы ведаем, што рабіць, - тэхналогія. Тэхналогія дыктуе нашу дысцыпліну. Нельга зрабіць інакш, чым належыць па тэхналогіі". Адсюль вынікае патрабаванне няўхільнага выканання працоўнай дысцыпліны.

"Таму дысцыпліна і яшчэ раз дысцыпліна. І не слухайце тых, хто з-за мяжы вякае: "Вось, ён зноў пра гэту дысцыпліну". Калі гэта важнейшае пытанне - і тысячу разоў буду аб гэтым гаварыць, - падкрэсліў Аляксандр Лукашэнка. - Трэба дзейнічаць. Патрэбны вынік".

версія для друку

зрабіць стартавай

дабавіць у выбранае