Падзеі

Лукашэнка назваў работу з кадрамі найважнейшым пытаннем мясцовых органаў улады

25 красавіка, Петрыкаў /Кар. БЕЛТА/. Прэзідэнт Беларусі Аляксандр Лукашэнка ў ходзе рабочай паездкі ў Петрыкаўскі раён заявіў аб важнасці кадравых рашэнняў у рабоце мясцовых органаў улады, перадае карэспандэнт БЕЛТА.

"У нас жорсткая вертыкаль: Прэзідэнт - старшыні аблвыканкамаў - старшыні райвыканкамаў. Прымаць рашэнні ты павінен, асабліва кадравыя. Гэта найважнейшае пытанне, і не мне табе нагадваць, што такое кадры", - заявіў Прэзідэнт, звяртаючыся да старшыні Петрыкаўскага райвыканкама Аляксандра Верамеева.

Пытанне работы з кадрамі было ўзнята ў ходзе даклада кіраўніку дзяржавы аб развіцці Петрыкаўскага раёна. Акрамя таго, Прэзідэнту далажылі аб тым, што частку гаспадарак раёна плануецца ўключыць у холдынг "Беларуськалій-Агра". Гаворка ідзе аб тых сельскагаспадарчых прадпрыемствах, якія з'яўляюцца патэнцыяльна праблемнымі.

"Няхай укладваецца ("Беларуськалій". - Заўвага БЕЛТА), але тэхналогіі, кадры - гэта твая зона адказнасці. Няхай прапануе кадры, але ты павінен гэта кантраляваць", - сказаў Аляксандр Лукашэнка кіраўніку Петрыкаўскага раёна.

версія для друку

зрабіць стартавай

дабавіць у выбранае