Падзеі

У Бішкеку 14 красавіка Аляксандр Лукашэнка прыме ўдзел у пасяджэнні Вышэйшага Еўразійскага эканамічнага савета. Лідары краін - членаў ЕАЭС плануюць абмеркаваць рэалізацыю асноўных напрамкаў міжнароднай дзейнасці саюза, а таксама асноўныя арыенціры макраэканамічнай палітыкі сваіх дзяржаў на бліжэйшыя гады. Асаблівая ўвага будзе ўдзелена эканамічнаму супрацоўніцтву з трэцімі краінамі.

У гэты ж дзень Прэзідэнт Беларусі прыме ўдзел у нефармальнай сустрэчы кіраўнікоў дзяржаў - членаў АДКБ. На перагаворах будуць абмяркоўвацца абстаноўку ў сферы бяспекі, актуальныя выклікі і пагрозы, а таксама шляхі сумеснага процідзеяння ім.

Напярэдадні Аляксандр Лукашэнка падпісаў пакет дакументаў, якія датычацца развіцця еўразійскай інтэграцыі. Ён уключае ў сябе дагавор аб Мытным кодэксе ЕАЭС, нормы якога накіраваны на далейшае паглыбленне інтэграцыйных працэсаў і рост аб'ёмаў гандлю паміж Еўразійскім эканамічным саюзам і сусветнай супольнасцю.

Падпісаныя дакументы таксама датычацца міжнароднай дзейнасці, уключаючы пачатак перагавораў аб свабодным гандлі з Іранам, Індыяй, Сінгапурам, Егіптам. Акрамя таго, гэта пытанні адзінага мытнага рэгулявання ў ЕАЭС, каардынацыі транспартнай палітыкі, лічбавага парадку дня, агульных фінансавага і электраэнергетычнага рынкаў, гандлю паслугамі.