Падзеі

Лукашэнка накіраваў віншаванне Сі Цзіньпіну са 100-годдзем з дня ўтварэння Кампартыі Кітая

30 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка накіраваў віншаванне Генеральнаму сакратару Цэнтральнага камітэта Камуністычнай партыі Кітая, Старшыні Кітайскай Народнай Рэспублікі Сі Цзіньпіну са 100-годдзем з дня ўтварэння Камуністычнай партыі Кітая. Аб гэтым БЕЛТА паведамілі ў прэс-службе беларускага лідара.

Кіраўнік дзяржавы адзначыў, што гісторыя сучаснага Кітая непарыўна звязана з Камуністычнай партыяй. "Заснаваная ў 1921 годзе, яна ператварылася ў самую вялікую палітычную партыю ў свеце, а дэвіз "Служы народу!" з'явіўся арганізуючай сілай станаўлення дзяржавы, - гаворыцца ў віншаванні. - Аб'яднаўшы камуністычныя ідэалы з практыкай кітайскай рэвалюцыі, Кампартыя эфектыўна ажыццявіла сацыялістычныя пераўтварэнні, што абумовіла ператварэнне Кітайскай Народнай Рэспублікі ў моцную працвітаючую дзяржаву".

Прэзідэнт Беларусі звярнуў увагу, што сёння Пекін упэўнена праводзіць самастойную знешнюю палітыку, прытрымліваючыся шляху мірнага развіцця і стратэгіі адкрытасці. "Дзякуючы мудрым і справядлівым рашэнням Кампартыі Кітай па праву разглядаюць на міжнароднай арэне як гарант бяспекі, які абараняе інтарэсы прыгнятаемых краін", - падкрэсліў беларускі лідар.

Аляксандр Лукашэнка пажадаў Сі Цзіньпіну моцнага здароўя і новых здзяйсненняў, а кітайскаму народу - шчасця і дабрабыту.

версія для друку

зрабіць стартавай

дабавіць у выбранае