Падзеі

Лукашэнка накіраваў спачуванне Прэзідэнту Егіпта ў сувязі з ахвярамі тэракта ў Каіры

5 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка накіраваў спачуванне Прэзідэнту Егіпта Абдэль Фатаху ас-Сісі ў сувязі са шматлікімі ахвярамі ў выніку тэрарыстычнага акта ў Каіры. Аб гэтым БЕЛТА паведамілі ў прэс-службе беларускага лідара.

Кіраўнік дзяржавы падкрэсліў, што гэта навіна адгукнулася вялікім смуткам у беларускім грамадстве. "Рэспубліка Беларусь рашуча суджае любыя праявы тэрарызму і экстрэмізму, а таксама пацвярджае гатоўнасць падтрымліваць намаганні Егіпта на міжнароднай арэне ў барацьбе супраць гэтага зла", - гаворыцца ў спачуванні.

Аляксандр Лукашэнка ад імя беларускага народа і сябе асабіста таксама выказаў спачуванні родным і блізкім загінулых, пажадаў хуткага выздараўлення пацярпелым.

версія для друку

зрабіць стартавай

дабавіць у выбранае