VI Усебеларускі народны сход
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

14 Крс 2016

Лукашэнка: Ні адна дзяржава не можа адчуваць сябе ў бяспецы перад пагрозай тэрарызму

14 красавіка, Стамбул /Уладзімір Мацвееў - БЕЛТА/. Ні адна дзяржава ў розных частках свету не можа адчуваць сябе ў бяспецы перад пагрозай тэрарызму. Аб гэтым заявіў Прэзідэнт Беларусі Аляксандр Лукашэнка ў Стамбуле на XIII саміце Арганізацыі ісламскага супрацоўніцтва (АІС), перадае карэспандэнт БЕЛТА.

"Сёння ні адна дзяржава ні на Захадзе, ні на Усходзе не можа адчуваць сябе ў бяспецы перад гэтым злом, якое паразітуе на раз'яднанасці і недаверы паміж краінамі, нацыямі і культурамі", - падкрэсліў беларускі лідар.

Аляксандр Лукашэнка назваў сімвалічным той факт, што гэты саміт праходзіць у Стамбуле - горадзе, які спрадвеку размешчаны на скрыжаванні культур і з'яўляецца калыскай розных цывілізацый. "Упэўнены, што толькі праз узаемнае ўзбагачэнне, праз дыялог і супрацоўніцтва пралягае шлях да вырашэння глабальных задач, якія стаяць перад сусветнай супольнасцю", - сказаў кіраўнік дзяржавы.

Ён адзначыў, што тэматыка саміту вельмі актуальная і сугучна з беларускім знешнепалітычным курсам. Пытанні бяспекі, процідзеяння сучасным выклікам і пагрозам з'яўляюцца агульнымі для ўсіх дзяржаў незалежна ад іх нацыянальнага складу і рэлігійнай прыналежнасці. "Паглядзіце, што адбываецца сёння ў свеце. Множацца войны і разлады, разбураюцца некалі квітнеючыя дзяржавы, ператвараючыся пры гэтым у крыніцы хаосу і насілля, параджаючы маштабныя крызісы. На фоне ўзрастаючай нестабільнасці і нявызначанасці глабальны характар набывае пагроза тэрарызму", - заявіў Прэзідэнт Беларусі.

Аляксандр Лукашэнка адзначыў, што менавіта цяпер трэба было б аб'яднаць намаганні ў барацьбе з сучаснымі выклікамі і пагрозамі. "Аднак замест гэтага многія заняты сёння абвінавачаннямі ў адрас адзін аднаго. Як доўга гэта можа прадаўжацца? Калі не спыніць гэты працэс, у нейкі момант ён можа дасягнуць сваёй крытычнай масы, набыць неабарачальны характар і прывесці да непрадказальных вынікаў", - канстатаваў кіраўнік беларускай дзяржавы.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход