Падзеі
Лукашэнка лічыць, што Беларусь і Латвія павінны вывесці на новы ўзровень палітычны дыялог
5 кастрычніка, Мінск /Таццяна Паляжай - БЕЛТА/. Прэзідэнт Беларусі Аляксандр Лукашэнка лічыць, што адной з бліжэйшых задач у адносінах Беларусі і Латвіі павінен стаць вывад на новы ўзровень палітычнага дыялогу па актуальных пытаннях. Аб гэтым ён заявіў сёння, прымаючы даверчыя граматы Надзвычайнага і Паўнамоцнага Пасла Латвіі ў Беларусі Марціньша Вірсіса, перадае карэспандэнт БЕЛТА.
Аляксандр Лукашэнка падкрэсліў, што з Латвіяй Беларусь звязвае не толькі агульная граніца, але і традыцыі добрасуседства.
"Сумеснымі намаганнямі нам удалося навесці трывалыя масты ў гандлёвай, інвестыцыйнай сферах, наладзіць рэгіянальнае, трансгранічнае супрацоўніцтва", - канстатаваў беларускі лідар.
Кіраўнік беларускай дзяржавы адзначыў, што двойчы сустракаўся ў Нью-Ёрку з Прэзідэнтам Латвіі і абмяркоўваў перспектывы далейшага двухбаковага супрацоўніцтва.
Латвія традыцыйна ўваходзіць у лік важнейшых гандлёвых партнёраў і інвестараў Беларусі, а таксама з'яўляецца адным з асноўных транзітных калідораў для беларускага экспарту. У 2014 годзе двухбаковы тавараабарот склаў амаль $655 млн, з якіх экспарт перасягнуў $504 млн. За сем месяцаў 2015 года аб'ём узаемнага гандлю склаў $410 млн, з іх экспарт – $362,1 млн. Беларускі экспарт у Латвію даволі дыверсіфікаваны і ўяўляе сабой больш за 400 пазіцый.
версія для друку
зрабіць стартавай
дабавіць у выбранае