Падзеі

9 лістапада, Мінск /Кар. БЕЛТА/. Прэзідэнт Беларусі Аляксандр Лукашэнка лічыць недапушчальным браць міждзяржаўныя крэдыты пад 7-8 працэнтаў і патрабуе мінімізаваць працэнты па прыцягваемых знешніх пазыках. Аб гэтым кіраўнік дзяржавы заявіў сёння, прымаючы з дакладам міністра фінансаў Уладзіміра Амарына, перадае карэспандэнт БЕЛТА.

Прэзідэнт звярнуў увагу на неабходнасць ненарошчвання знешняга дзярждоўгу, запатрабаваў яго аптымізацыі. Размова, у прыватнасці, ідзе аб мінімізацыі працэнтаў па знешніх пазыках, што прыцягваюцца, у першую чаргу гэта датычыцца пазык наступнага года. Аптымізацыя, у сваю чаргу, як ішла размова ў час даклада, павінна быць нацэлена на пошук унутраных крыніц для выканання абавязацельстваў - гэта даходы бюджэту, унутраны фінансавы рынак.

Кіраўнік дзяржавы цікавіўся аб'ёмамі дзярждоўгу, якія складваюцца сёння, і перспектывамі пагашэння. Аляксандр Лукашэнка зрабіў акцэнт на наступным годзе, таму што ў бягучым сітуацыя, паводле яго слоў, праглядаецца. "Думаю, што і ў будучым крыху нават лягчэй будзе", - лічыць ён.

Што датычыцца крэдытаў, то Прэзідэнт адзначыў, што апошнім часам яму прапануюць узгадніць той або іншы міждзяржаўны крэдыт пад 7-8 працэнтаў. Аляксандр Лукашэнка падкрэсліў, што такі крэдыт, на пагашэнне якога давядзецца траціць золатавалютныя рэзервы, недапушчальны для дзяржавы, таму дакументы з такімі прапановамі адразу адпраўляюцца назад. "Калі гэта камерцыйны крэдыт - іншая справа, 7-8 працэнтаў гэта нармальна. Але браць золатавалютныя рэзервы, такія грошы дарагія, я лічу непрымальным", - сказаў Прэзідэнт.