Падзеі

Лукашэнка: я не хачу, каб палякам было дрэнна, але з пятлёй на шыі не буду абараняць іх інтарэсы

8 жніўня, Мінск /Кар. БЕЛТА/. Беларусь не будзе з пятлёй на шыі абараняць інтарэсы палякаў і прыбалтаў. Аб гэтым Прэзідэнт Беларусі Аляксандр Лукашэнка заявіў у інтэрв'ю амерыканскаму часопісу Time, паведамляе БЕЛТА.

У час інтэрв'ю кіраўнік дзяржавы абверг абвінавачанні ў тым, што Беларусь выкарыстоўвае нелегальную міграцыю як інструмент націску на Захад.

"Я не хачу, каб нашым палякам - гэта ж не чужыя нам людзі, славяне - было дрэнна", - заявіў Аляксандр Лукашэнка.

У той жа час ён звярнуў увагу, што ў Еўрапейскім саюзе выпрацавана свая міграцыйная палітыка і ў ёй няма пункта "забівай і выкідвай назад".

"Яны забіваюць людзей (у нас гэтыя факты ўсе зафіксаваны) і выкідваюць назад. Калючкай зацягнулі граніцу - гіне звяр'ё. А гэта ж Белавежская пушча, гэта ж міграцыя жывёл. Яны ж забіваюць іх. Чаму вы маўчыце? Яны парушаюць усе нормы і правілы. Нават у савецкі час - я ж служыў на гэтай граніцы, я пагранічнік - мы не выбудоўвалі сістэму сігналізацыйную там, дзе праходзілі звяры. Гэта паважалася заўсёды", - падкрэсліў Прэзідэнт.

Паводле слоў кіраўніка дзяржавы, у Польшчы спансіруюць арганізацыю нелегальнай міграцыі. Інакш якім чынам мігранты аказваюцца ў Германіі? "Немагчыма, каб чалавек прайшоў праз усю краіну і яны гэтага не заўважылі. Гэта немагчыма. Тым больш у цяперашняй сітуацыі, - сказаў Аляксандр Лукашэнка. - І мы бачым гэты рух. Але мы мігрантаў - і аб гэтым я таксама папярэдзіў палякаў, літоўцаў і латышоў - не ловім. Чаму? Таму што адмовіліся супрацоўнічаць з намі па міграцыйнай палітыцы. Гэта факты. Адмовіліся, увялі супраць нас санкцыі".

Аляксандр Лукашэнка заявіў, што ў такой сітуацыі, вобразна кажучы, з пятлёй на шыі не абавязаны абараняць інтарэсы палякаў і прыбалтаў.

версія для друку

зрабіць стартавай

дабавіць у выбранае