Падзеі

Лукашэнка: ёсць усе ўмовы для інтэнсіфікацыі ўзаемавыгадных адносін з Мазамбікам

Фота flagi.in.ua

25 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Прэзідэнта Мазамбіка Філіпэ Ньюсі з нацыянальным святам - Днём Незалежнасці, паведамілі БЕЛТА ў прэс-службе кіраўніка дзяржавы.

Прэзідэнт падкрэсліў зацікаўленасць Беларусі ў далейшым умацаванні двухбаковага супрацоўніцтва ў розных галінах дзейнасці. "Упэўнены, што цяпер ёсць усе неабходныя ўмовы для інтэнсіфікацыі ўзаемавыгадных адносін", - адзначыў ён.

Аляксандр Лукашэнка пажадаў Філіпэ Ньюсі добрага здароўя і поспехаў на адказнай дзяржаўнай пасадзе, а народу Мазамбіка - міру і працвітання.

версія для друку

зрабіць стартавай

дабавіць у выбранае