Падзеі

Лукашэнка даручыў хутчэй завяршыць сяўбу і нагадаў аб задачах па ўраджаі

Фота з архiва

12 красавіка, Шклоўскі раён /Кар. БЕЛТА/. Прэзідэнт Беларусі Аляксандр Лукашэнка даручыў аграрыям хутчэй завяршыць сяўбу і нагадаў аб задачах па ўраджаі на бягучы год. Аб гэтым кіраўнік дзяржавы заявіў, наведваючы храм Свяціцеля Мікалая Цудатворца ў аграгарадку Еўдакімавічы Шклоўскага раёна, перадае карэспандэнт БЕЛТА.

"На наступным тыдні нам абяцаюць цёплае надвор'е. Трэба хутчэй завяршыць сяўбу, каб нармальна было і не менш за мінулы год. У мінулым годзе ў нас была такая планка - ніжэй нельга", - нагадаў аб сваім даручэнні аграрыям Аляксандр Лукашэнка. У 2025 годзе ў Беларусі ўдалося намалаціць больш як 11 млн т збожжа разам з рапсам і кукурузай, і ў гэтым годзе кіраўнік дзяржавы паставіў задачу сабраць ураджай не ніжэйшы за мінулагодні.

Прэзідэнт паразмаўляў са старшынёй Шклоўскага райвыканкама Сяргеем Барташам і ўдакладніў, як ідуць справы ў раёне. Паводле слоў Барташа, пасяўная ідзе нядрэнна і да гэтага моманту амаль завершана, хоць дажджы ўнеслі невялікія карэктывы.

Гаворачы аб стане спраў у сельскай гаспадарцы Шклоўскага раёна, кіраўнік дзяржавы звярнуў увагу на неабходнасць забяспечыць аграрыяў жыллём. "Трэба будаваць жыллё для іх, арэнднае жыллё, каб яны нараджалі людзей. Каб свае людзі працавалі, а не з Карэйскай Народна-Дэмакратычнай Рэспублікі. Хоць там вельмі працавітыя людзі. Я, калі пабываў там, думаю: калі б мы так працавалі, мы праблем не мелі б. Але зямелькі ў іх... 85 працэнтаў горы, 15 працэнтаў толькі прыдатных для апрацоўкі зямель. Таму там кожны лапік апрацаваны", - заўважыў ён.

версія для друку

зрабіць стартавай

дабавіць у выбранае