Падзеі

Лукашэнка даручыў сілавікам жорстка спыняць неабгрунтаванае пасрэдніцтва

12 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка даручыў сілавікам жорстка спыняць неабгрунтаванае пасрэдніцтва. Аб гэтым кіраўнік дзяржавы заявіў 12 сакавіка на нарадзе аб мерах па выключэнні неабгрунтаванага і нядобрасумленнага пасрэдніцтва, перадае карэспандэнт БЕЛТА.

Прэзідэнт адзначыў, што раней абмяркоўваў з міністрам сельскай гаспадаркі і харчавання Юрыем Горлавым ліквідацыю ў сельскай гаспадарцы пасрэдніцтва "як класа". Тым не менш такія прыклады ўсё яшчэ маюць месца быць. Больш таго, гэта датычыцца не толькі імпарту, але і тавараў беларускай вытворчасці.

Кіраўнік дзяржавы прывёў наступны прыклад: "У Беларусі "Гомсельмаш" вырабіў камбайн, і праз пасрэднікаў сяляне закупляюць гэты камбайн. Гэта нармальна? І абгрунтоўваюць жа прыгожа".

Пры гэтым, як высветліў Камітэт дзяржаўнага кантролю, грошы для рэалізацыі пасрэдніцкіх схем бяруцца ў беларускіх банках. "Дык а чаму мы не можам узяць? Чаму Горлаў і губернатары са сваімі сялянамі не могуць узяць гэтыя грошы і купіць камбайн на "Гомсельмашы"?" - задаў рытарычнае пытанне беларускі лідар.

У сувязі з гэтым Аляксандр Лукашэнка даручыў генеральнаму пракурору Дзмітрыю Гары і кіраўніцтву сілавых структур жорстка спыняць неабгрунтаванае пасрэдніцтва. "Як толькі мы ўбачым пасрэднікаў на беларускую прадукцыю, ты не разбірайся, - звярнуўся Прэзідэнт да генпракурора. - Як толькі ўбачылі, што ў нас пасрэднікі на цукеркі, шакалад, адзенне, малако, мяса, тэхніку беларускай вытворчасці, - адразу ў СІЗА".

версія для друку

зрабіць стартавай

дабавіць у выбранае