Падзеі

Лукашэнка даручыў скарыстацца момантам і ўдзяліць больш увагі дарожнаму будаўніцтву

Фота з архiва

9 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка даручыў ураду скарыстацца момантам і ўдзяліць больш увагі дарожнаму будаўніцтву. Аб гэтым ён заявіў пры назначэнні віцэ-прэм'ерам Аляксандра Церахава, які ў тым ліку будзе курыраваць і гэту сферу, перадае карэспандэнт БЕЛТА.

"У нас сёння і нафта крыху таннейшая, чым у іншых. Усплёск гэты быў у сувязі з падзеямі на Блізкім Усходзе. Але, я думаю, стабілізуемся. Прытым мы ж яшчэ з Расіяй гандлюем нафтай са скідкай пэўнай, а дарогі - гэта бітум перш за ўсё, бітум - гэта нафта. Усё астатняе дабро ў нас ёсць. І, калі нафта таннейшая, трэба скарыстацца гэтым момантам і паправіць нашы дарогі. Праграма вызначана. Трэба ад аграгарадка да раённага цэнтра мець моцную, устойлівую дарогу. І пажадана ў жалезабетоне. Дзе толькі магчыма, патрэбны бетонныя дарогі", - заявіў беларускі лідар.

"Дзе немагчыма (зрабіць дарогу з бетонным пакрыццём. - Заўвага БЕЛТА), я гавару, што ў нас ёсць момант. Вось гэтыя год, можа, паўтара, калі ў нас цэны будуць ніжэйшыя, чым на сусветных рынках па нафце. Значыць, трэба выкарыстоўваць і бітум для будаўніцтва гэтых дарог", - дадаў Прэзідэнт.

"Вельмі важнае пытанне для нас - гэта дарогі. Мы транзітная краіна. І амаль у кожнага па адным, а тое па два аўтамабілі ў сям'і. Ды і не толькі асабісты транспарт", - падкрэсліў Аляксандр Лукашэнка.

версія для друку

зрабіць стартавай

дабавіць у выбранае