У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

19 Врс 2016

Лукашэнка даручыў дэпутатам падысці прынцыпова да разгляду законапраекта аб бюджэце на 2017 год

19 верасня, Мінск /Кар. БЕЛТА/. Прэзідэнт Беларусі Аляксандр Лукашэнка даручыў дэпутатам падысці прынцыпова да разгляду законапраекта аб рэспубліканскім бюджэце на 2017 год. Аб гэтым паведаміў сёння журналістам старшыня Палаты прадстаўнікоў Уладзімір Андрэйчанка па выніках сустрэчы з кіраўніком дзяржавы, перадае карэспандэнт БЕЛТА.

Уладзімір Андрэйчанка расказаў, што 3 кастрычніка адкрываецца чарговая сесія Палаты прадстаўнікоў пятага склікання. "На гэтай сесіі мы плануем разгледзець каля 20 пытанняў, галоўнае з іх - праект рэспубліканскага бюджэту на 2017 год, - адзначыў ён. - Прэзідэнт звярнуў сур'ёзную ўвагу, каб дэпутаты прынцыпова падышлі да разгляду гэтага важнага дакумента, што будзе намі і зроблена".

Паводле слоў старшыні Палаты прадстаўнікоў, законапраект аб рэспубліканскім бюджэце ўжо разглядаецца ў пастаянных камісіях, прайшло пашыранае пасяджэнне Пастаяннай камісіі па бюджэце і фінансах, а 21 верасня адбудзецца нулявое чытанне з удзелам прэм'ер-міністра і членаў урада. "Мы разгледзім пытанні, якія не ўзгоднены, улічым прапановы і заўвагі мясцовых органаў улады і дэпутатаў", - растлумачыў Уладзімір Андрэйчанка. Ён дадаў, што законапраект, як чакаецца, будзе прыняты дэпутатамі пятага склікання.

У час сустрэчы таксама абмяркоўвалася арганізацыя сумеснага пасяджэння Палаты прадстаўнікоў і Савета Рэспублікі, якое запланавана на 7 кастрычніка. "Плануецца, што ў ім прыме ўдзел Прэзідэнт Беларусі. Будзе дадзена ацэнка вынікам работы Палаты прадстаўнікоў і Савета Рэспублікі і вызначаны задачы для новага складу парламента", - расказаў старшыня Палаты прадстаўнікоў.

Акрамя таго, Уладзімір Андрэйчанка далажыў кіраўніку дзяржавы аб правядзенні ў 2017 годзе ў Беларусі сесіі Парламенцкай асамблеі АБСЕ, у якой прымуць удзел прадстаўнікі 57 дзяржаў. Аляксандр Лукашэнка даручыў беларускім парламентарыям правесці неабходную арганізацыйную работу, каб мерапрыемства прайшло на самым высокім узроўні.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс