Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

2 Jul 2022

Лукашэнка: беларускі народ сёння робіць правільны выбар

Лукашэнка: беларускі народ сёння робіць правільны выбар

2 ліпеня, Мінск /Кар. БЕЛТА/. Беларускі народ сёння робіць, як і заўсёды, правільны выбар. Аб гэтым Прэзідэнт Беларусі Аляксандр Лукашэнка заявіў 2 ліпеня на ўрачыстым сходзе з нагоды Дня Незалежнасці, перадае карэспандэнт БЕЛТА.

"Не хочацца ў такі дзень гаварыць пра суседзяў, якія надалі забойцам і маньякам ранг нацыянальных герояў. Непрыемна ўспамінаць пра тых, хто спачувае ім тут, ды і ў той жа Расіі. Але, на жаль, справа паліцаяў і іншых памагатых гітлераўскіх забойцаў месцамі жыве: у жудасных творах і палітычных маніфестах сучасных неанацыстаў. Вы ўсе бачыце і ведаеце. Таму сёння я хачу перш за ўсё падзякаваць нашаму беларускаму народу. Народу, які глядзіць на спробы сучасных калабарацыяністаў перапісаць гісторыю Вялікай Айчыннай вайны і робіць, наш беларускі народ, як заўсёды, правільны выбар", - сказаў Аляксандр Лукашэнка.

Прэзідэнт падкрэсліў, што ганарыцца ўсімі, хто захоўвае ў сваім сэрцы памяць пра гераічнае пакаленне, якое здзейсніла подзвіг, веліч якога не ведае межаў. "Усімі, хто даглядае помнікі воінам і мірным жыхарам, прыводзіць да іх сваіх дзяцей, хто па крупінках збірае жывыя ўспаміны і факты пра Вялікую Айчынную вайну, пра нашых герояў, піша карціны, песні, кнігі, здымае фільмы. Кажу дзякуй кожнаму, хто з гонарам трымае ўдар у інфармацыйнай вайне за нашу гістарычную памяць. Вы сапраўдныя нашчадкі пераможцаў!" - заявіў кіраўнік дзяржавы.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі