20 ліпеня, Мінск /Кар. БЕЛТА/. Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Прэзідэнта Калумбіі Івана Дуке і ўсіх жыхароў гэтай краіны з нацыянальным святам - Днём Незалежнасці, паведамілі БЕЛТА ў прэс-службе беларускага лідара.
Кіраўнік дзяржавы падкрэсліў, што Беларусь разглядае Калумбію як перспектыўнага партнёра ў Лацінскай Амерыцы і зацікаўлена ў далейшым развіцці міждзяржаўнага дыялогу. І сведчаннем таго з'яўляецца адкрыццё беларускай дыпмісіі ў Багаце. "Спадзяюся, што гэты крок будзе садзейнічаць раскрыццю патэнцыялу двухбаковага ўзаемадзеяння нашых краін, эфектыўнай рэалізацыі гандлёвых і інвестыцыйных праектаў, актывізацыі практычнага супрацоўніцтва ў навуковай і гуманітарнай сферах", - гаворыцца ў віншаванні.
Аляксандр Лукашэнка пажадаў Івану Дуке моцнага здароўя і поспехаў у адказнай дзейнасці, а грамадзянам Калумбіі - міру і дабрабыту.