Падзеі

Лукашэнка: Беларусь разлічвае на паглыбленне і інтэнсіфікацыю адносін з Турцыяй

Фота з архiва

29 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Турцыі Рэджэпа Таіпа Эрдагана і народ гэтай краіны з Днём Рэспублікі. Аб гэтым БЕЛТА паведамілі ў прэс-службе беларускага лідара.

"Вельмі прыемна адзначыць поспехі Турцыі ва ўсіх галінах эканомікі і дзяржаўным развіцці", - гаворыцца ў віншаванні. Аляксандр Лукашэнка звярнуў увагу, што пад кіраўніцтвам Рэджэпа Таіпа Эрдагана краіна ўпэўнена ідзе па шляху інавацый і рэформ, адыгрывае ўсё больш важную ролю ў падтрыманні міру і стабільнасці як у рэгіёне, так і на сусветнай арэне.

"Мінск і Анкара - надзейныя партнёры, якія маюць шматгранныя і плённыя сувязі ў розных сферах - ад гандлю і інвестыцый да культурнага і гуманітарнага абменаў, - падкрэсліў беларускі лідар. - Упэўнены, што далейшая пазітыўная дынаміка двухбаковых кантактаў будзе садзейнічаць паглыбленню і інтэнсіфікацыі адносін на карысць народаў нашых краін".

Прэзідэнт Беларусі пажадаў Прэзідэнту Турцыі добрага здароўя і паспяховай рэалізацыі ўсіх планаў, а грамадзянам гэтай дружалюбнай краіны - міру і згоды.

версія для друку

зрабіць стартавай

дабавіць у выбранае