У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

5 Ліп 2017

Лукашэнка: Беларусь прапаноўвала літоўскаму боку сумесна будаваць БелАЭС

Лукашэнка: Беларусь прапаноўвала літоўскаму боку сумесна будаваць БелАЭС5 ліпеня, Мінск /Уладзімір Мацвееў - БЕЛТА/. Беларусь прапаноўвала літоўскаму боку сумесна будаваць БелАЭС. Аб гэтым Прэзідэнт Беларусі Аляксандр Лукашэнка заявіў сёння на пасяджэнні, прысвечаным урачыстаму адкрыццю 26-й штогадовай сесіі ПА АБСЕ, перадае карэспандэнт БЕЛТА.

"Літоўская Рэспубліка часта ўзнімае гэта пытанне. Я гэта нармальна ўспрымаю. І нядаўна літоўцам прапанаваў: ну колькі мы будзем сварыцца з-за гэтай станцыі, давайце яе разам пабудуем і будзем эксплуатаваць як беларуска-літоўскую станцыю. Каб яна забяспечвала электраэнергіяй і Беларусь, і Літву. Калі трэба - Латвію, Эстонію, Польшчу і іншыя дзяржавы. Гэта ж самы танны від электрычнай энергіі", - заявіў Прэзідэнт.

"Мы будуем самую бяспечную станцыю. Такіх блокаў будуецца па ўсім свеце мноства. Ведаю, ёсць дамоўленасць аб прадаўжэнні будаўніцтва ў еўрапейскіх краінах, у тым ліку ў Балгарыі. Егіпет запатрабаваў будаўніцтва такой станцыі", - адзначыў кіраўнік дзяржавы.

"Мы лічым, што гэта пытанне палітызавана. Давайце сядзем разам, разбяромся як мае быць у гэтым пытанні і здымем яго, не будзем смяшыць увесь свет. Нам, Літве і Беларусі, патрэбна гэта станцыя", - падкрэсліў беларускі лідар.

Ён таксама нагадаў, што ў Літве доўга функцыянавала Ігналінская АЭС, працэс вывядзення якой з эксплуатацыі прадаўжаецца. "Але мы ж ніколі не ўзнялі пытанне аб тым, што яна небяспечная. Хоць мы ад гэтай старой станцыі атрымлівалі шмат негатыўных працэсаў. Воду для ахалоджвання гэта станцыя атрымлівала з Беларусі. І скід адпрацаванай вады ішоў таксама ў Беларусь. Мы разумелі: патрэбны час для таго, каб вырашыць гэта пытанне. Разумеем і цяпер", - сказаў Аляксандр Лукашэнка.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс