Падзеі

Лукашэнка: Беларусь мае намер нарошчваць узаемавыгаднае супрацоўніцтва з Сірыяй

Дамаск. Фота з архіва

17 красавіка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Сірыі Башара Асада з нацыянальным святам - Днём эвакуацыі. Аб гэтым БЕЛТА паведамілі ў прэс-службе кіраўніка дзяржавы.

"Пад Вашым кіраўніцтвам краіна мужна вытрымлівае выпрабаванні ва ўмовах жорсткіх санкцыйных абмежаванняў і палітычнага націску з боку агрэсіўнага Захаду, спраўляецца з наступствамі прыродных катаклізмаў, - гаворыцца ў віншаванні. - Беларусь прадоўжыць аказваць неабходную дапамогу брацкай Сірыі для больш хуткага пераадолення нягод, якія выпалі вашай дзяржаве".

У гэтым годзе адзначаецца 30-годдзе ўстанаўлення дыпламатычных адносін паміж Мінскам і Дамаскам, нагадаў беларускі лідар. "Надаючы гістарычнае значэнне гэтай юбілейнай даце, хачу падкрэсліць, што Беларусь мае намер нарошчваць узаемавыгаднае супрацоўніцтва з Сірыяй. Разлічваю на далейшае плённае развіццё пры Вашай асабістай падтрымцы міждзяржаўнага дыялогу па ўсіх напрамках".

Аляксандр Лукашэнка пажадаў Башару Асаду моцнага здароўя і міру.

версія для друку

зрабіць стартавай

дабавіць у выбранае