Падзеі
Лукашэнка: Беларусь будзе развіваць цеснае ўзаемадзеянне ў ЕАЭС, але непахісна адстойваючы ўласныя інтарэсы
6 лістапада, Мінск /Таццяна Паляжай - БЕЛТА/. Беларусь будзе развіваць цеснае ўзаемадзеянне з партнёрамі ў Еўразійскім эканамічным саюзе, але непахісна адстойваючы ўласныя інтарэсы. Аб гэтым заявіў сёння Аляксандр Лукашэнка, выступаючы на цырымоніі прынясення прысягі з нагоды ўступлення на пасаду Прэзідэнта Беларусі, перадае карэспандэнт БЕЛТА.
"Мы прадоўжым стварэнне Саюзнай дзяржавы з брацкай Расіяй, калі яна гэтага пажадае. Будзем развіваць цеснае ўзаемадзеянне з партнёрамі ў рамках Еўразійскага эканамічнага саюза, пры гэтым непахісна адстойваючы ўласныя інтарэсы", - сказаў беларускі лідар.
Прэзідэнт падкрэсліў, што Беларусь будзе і ў далейшым актыўным іграком на постсавецкай прасторы. "Гэта не толькі залог нашага дабрабыту, але і абарона ад розных пагроз", - упэўнены Аляксандр Лукашэнка.
Кіраўнік дзяржавы адзначыў, што імкліва развіваюцца адносіны Беларусі са стратэгічным партнёрам - Вялікім Кітаем. Аляксандр Лукашэнка выказаў словы ўдзячнасці старшыні КНР Сі Цзіньпіну і дэлегацыі, якую той накіраваў у Мінск на цырымонію інаўгурацыі. "Мы з імі правялі тры дні ў рабоце, шмат спрачаліся, вялі перагаворы. І я прашу перадаць Сі Цзіньпіну самыя добрыя пажаданні за яго падтрымку беларускага народа ад імя гэтага беларускага народа", - сказаў Прэзідэнт Беларусі.
Ён дадаў, што Беларусь развівае сувязі з дзяржавамі Азіі, Афрыкі і Лацінскай Амерыкі, і ў гэтым ужо ёсць пэўныя вынікі.
версія для друку
зрабіць стартавай
дабавіць у выбранае