Падзеі

Лукашэнка: Беларусь і Куба могуць дабіцца значных вынікаў ва ўсіх галінах узаемнага інтарэсу

Фота з архiва

1 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Кубы Мігеля Марыа Дыяс-Канеля Бермудэса з нацыянальным святам - Днём вызвалення Рэспублікі Куба. Аб гэтым БЕЛТА паведамілі ў прэс-службе кіраўніка дзяржавы.

"Беларусь ганарыцца дружалюбнымі адносінамі з гераічным кубінскім народам, які на працягу доўгіх гадоў з годнасцю адстойвае сваю незалежнасць і абараняе прынцыпы сацыяльнай роўнасці, справядлівасці і гуманізму", - гаворыцца ў віншаванні.

Беларускі лідар пацвердзіў нацэленасць Мінска на далейшае развіццё двухбаковых сувязей з Гаванай у духу даверу і ўзаемаразумення.

"Ваш афіцыйны візіт у Рэспубліку Беларусь у чэрвені мінулага года адкрыў новыя перспектывы для пашырэння беларуска-кубінскага стратэгічнага партнёрства ў прамысловай, фармацэўтычнай, сельскагаспадарчай і гандлёвай сферах, - падкрэсліў Аляксандр Лукашэнка. - Упэўнены, што мы зможам рэалізаваць дасягнутыя дамоўленасці і дабіцца значных вынікаў ва ўсіх галінах узаемнага інтарэсу на карысць нашых абедзвюх краін.

Прэзідэнт Беларусі пажадаў Прэзідэнту Кубы і кожнаму жыхару гэтай краіны здароўя і поспехаў.

версія для друку

зрабіць стартавай

дабавіць у выбранае