Падзеі

Лукашэнка бачыць неабходнасць у хутчэйшай рэалізацыі дамоўленасцей і праектаў з Экватарыяльнай Гвінеяй

Фота з архiва

12 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Экватарыяльнай Гвінеі Тэадора Абіянга Нгему Мбасога з Днём Незалежнасці. Аб гэтым БЕЛТА паведамілі ў прэс-службе беларускага лідара.
 
Кіраўнік дзяржавы адзначыў, што гэта свята сімвалізуе волю самастойна вызначаць уласны шлях і з'яўляецца добрай нагодай, каб нагадаць аб дасягненнях краіны.

"Пацвярджаю, што Мінск разглядае ўзаемадзеянне з Малаба як важны і перспектыўны напрамак. Сёння неабходна хутчэй ажыццявіць дасягнутыя дамоўленасці і пачаць рэалізацыю ў поўным аб'ёме праектаў, прадугледжаных "дарожнай картай". Бачу ў гэтым ключ да паглыблення гандлёва-эканамічных сувязей, стварэння новых магчымасцей для супрацоўніцтва і фарміравання трывалай асновы двухбаковых адносін паміж нашымі дзяржавамі", - падкрэсліў беларускі лідар.

Аляксандр Лукашэнка пажадаў Тэадора Абіянгу Нгему Мбасага моцнага здароўя, невычэрпнай энергіі і плённай дзейнасці на высокай дзяржаўнай пасадзе, а народу Экватарыяльнай Гвінеі - адзінства і далейшага прагрэсу.

версія для друку

зрабіць стартавай

дабавіць у выбранае