Падзеі

Лукашэнка ацаніў вынікі работы ЕАЭС за пяцігадовы перыяд на канкрэтных лічбах

21 снежня, Санкт-Пецярбург /Кар. БЕЛТА/. Ва ўмовах каласальнага знешняга націску ЕАЭС не толькі захаваў, але і прымножыў сваё значэнне для ўмацавання эканамічнага патэнцыялу дзяржаў-удзельніц. Аб гэтым Прэзідэнт Беларусі Аляксандр Лукашэнка заявіў на пасяджэнні Вышэйшага Еўразійскага эканамічнага савета ў пашыраным складзе, перадае карэспандэнт БЕЛТА.

Паводле ацэначных даных, у 2020-2024 гадах ВУП ЕАЭС вырас на 11 працэнтаў, прамысловасць - на 15 працэнтаў, сельская гаспадарка - амаль на 10 працэнтаў, канстатаваў беларускі лідар.

Аляксандр Лукашэнка таксама адзначыў, што ў бягучым годзе асноўныя эканамічныя паказчыкі ЕАЭС захоўваюць дадатны трэнд. "Ва ўсіх дзяржавах-членах расце заработная плата, прадаўжае заставацца мінімальным узровень беспрацоўя. За 2025 год створана сур'ёзная аснова для прынцыпова новага этапу развіцця еўразійскай эканамічнай інтэграцыі", - сказаў кіраўнік дзяржавы. "Калі ўзровень беспрацоўя Саюза ў 2020 годзе складаў амаль 6 працэнтаў, то ў 2024-м - амаль 3 працэнты", - дадаў ён.

Прэзідэнт Беларусі адзначыў, што ў парадку дня пасяджэння Вышэйшага Еўразійскага эканамічнага савета - падпісанне плана мерапрыемстваў па рэалізацыі задач Дэкларацыі аб далейшым развіцці эканамічных працэсаў у рамках ЕАЭС да 2030 года і на перыяд да 2045 года. Гэта тое, што на форуме ў Мінску ў чэрвені бягучага года Аляксандр Лукашэнка назваў планам дзеянняў "ЕАЭС 2.0".

"Вельмі важна, каб гэта грунтоўная дарожная карта сапраўды дала нашаму Саюзу арыенціры для руху наперад", - падкрэсліў кіраўнік дзяржавы.

версія для друку

зрабіць стартавай

дабавіць у выбранае