Падзеі

Лукашэнка: "Арэшнік" будзе размешчаны ў Беларусі да канца года

1 ліпеня, Мінск /Кар. БЕЛТА/. Ракетны комплекс "Арэшнік" будзе размешчаны ў Беларусі да канца года. Аб гэтым Прэзідэнт Беларусі Аляксандр Лукашэнка заявіў 1 ліпеня на ўрачыстым сходзе з нагоды Дня Незалежнасці, перадае карэспандэнт БЕЛТА.

Кіраўнік дзяржавы адзначыў, што разумее тых людзей, якія гавораць, што размяшчэнне ў Беларусі ядзернай зброі паставіла краіну пад удар. Аднак Прэзідэнт упэўнены,  што такая ідэя навязана звонку. Пакуль у гісторыі не было выпадкаў, калі нападалі на краіну, маючую ў сябе такое ўзбраенне. Ды і цяпер ніхто не імкнецца ініцыяваць такія канфлікты.

"І гэта не для таго, каб пабалавацца і вас пацешыць. Я не хачу, каб на вас і на маю краіну (я як Прэзідэнт і галоўнакамандуючы за гэта адказваю), як раней, нехта нападаў. І прадстаўнікам Злучаных Штатаў Амерыкі адкрыта, у лоб даслоўна сказаў: "Ядзерная зброя ціха, спакойна існуе, ахоўваецца, як належыць у свеце, але барані вас бог ступіць на нашу зямлю без нашага ведама. Адказ будзе імгненны, маланкавы, і гэтай самай зброяй, якой вы больш за ўсё баіцеся. Разумееце?" - "Разумеем", - расказаў Аляксандр Лукашэнка.

"У Валгаградзе мы дамовіліся са "старэйшым братам", Уладзімірам Уладзіміравічам Пуціным, аб тым, што першыя пазіцыі "Арэшніка" будуць у Беларусі. Работу "Арэшніка" вы бачылі: гэта тыя ж ракеты, такія ж удары, толькі без ядзернай зброі, без радыеактыўнага забруджвання тэрыторыі і паветра. Да канца года гэта зброя будзе размешчана ў Беларусі, - заявіў кіраўнік дзяржавы. - Тады не трэба будзе нікому баяцца, што Беларусь, валодаючы ядзернай зброяй, гатова нанесці ўдар. Зразумела, што ўдар будзе нанесены не ядзернай зброяй. Я гавару так, як будзе, пакуль я Прэзідэнт. Выбераце іншага - можа, у вас будзе іншая палітыка. Але я буду рабіць усё, каб тут была самая сучасная зброя, разумеючы, што ні ракеты, ні беспілотнікі сёння вырашаюць лёс у вайне і на фронце. Салдат і яго камандзіры - яны галоўная наша сіла. З аўтаматам, гранатамётам і іншымі відамі зброі, асабліва на нашай тэрыторыі".

Паводле слоў Прэзідэнта, на лясіста-балоцістай мясцовасці эфектыўнасць беспілотнікаў не будзе такой высокай, як ва Украіне. Тым не менш, у Беларусі займаюцца вытворчасцю і такога ўзбраення, у тым ліку сумесна з Расіяй. "Мы развіваем гэты від войскаў. Мы бачым, як гэта выкарыстоўваецца на вайне. Але не трэба забываць і кідацца ў крайнасці", - падкрэсліў ён.

Аляксандр Лукашэнка выказаў удзячнасць расійкаму боку за садзейнічанне ў размяшчэнні ў Беларусі сур'ёзных відаў узбраення. "Упэўнены, тыя нашы прыхільнікі, хто не разумее гэтага, у хуткім часе зразумеюць гэта і без вайны. Таму "Арэшніку" на зямлі беларускай быць. Каб не дапусціць мяцяжоў", - рэзюмаваў кіраўнік дзяржавы.

версія для друку

зрабіць стартавай

дабавіць у выбранае