Падзеі

Лукашэнка адзначыў адказнасць і правільную арганізацыю ўсіх працэсаў у АПК Брэсцкай вобласці

4 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў удзельнікаў і гасцей абласнога фестывалю-кірмашу "Дажынкі-2025" у Белаазерску. Аб гэтым БЕЛТА паведамілі ў прэс-службе беларускага лідара.

"Гэта свята - даніна ўсенароднай павагі тым, хто працуе на хлебнай ніве, ствараючы дабрабыт роднай Беларусі", - гаворыцца ў віншаванні.

Кіраўнік дзяржавы звярнуў увагу, што Брэсцкая вобласць па праву лічыцца адным з самых развітых аграрных рэгіёнаў краіны: "Тут жывуць людзі, якія не толькі беражліва захоўваюць лепшыя традыцыі айчыннага земляробства, але і смела ўкараняюць сучасныя тэхналогіі, паказваючы прыклад высокай культуры вытворчасці і моцнай працоўнай дысцыпліны".

Аляксандр Лукашэнка падкрэсліў, што настойлівасць, адказнасць, правільная арганізацыя ўсіх працэсаў далі магчымасць аграрыям Брэсцкай вобласці дасягнуць выдатных вынікаў, павялічыўшы мінулагоднія паказчыкі як па ўраджайнасці, так і па намалоце. "Дзякуючы каманднаму духу і з'яднанасці палова вашых раёнаў пераадолела статысячны рубеж", - дадаў ён.

Шчырыя словы ўдзячнасці Прэзідэнт адрасаваў не толькі хлебаробам, але і тым, хто быў побач з імі ў дні гарачай пары, - інжынерам, механізатарам, вадзіцелям, перапрацоўшчыкам, ратавальнікам, медработнікам, кіраўнікам розных узроўняў. "Перакананы, вашы стараннасць і любоў да роднага краю дапамогуць пакарыць новыя прафесійныя вяршыні", - адзначыў беларускі лідар.

Кіраўнік дзяржавы пажадаў брэсцкай зямлі і яе працаўнікам далейшага працвітання: "Няхай палі і надалей радуюць шчодрымі ўраджаямі, гаспадаркі - стабільнасцю, а кожная сям'я - дастаткам, шчасцем і звонкімі дзіцячымі галасамі".

Віншаванне Прэзідэнта ўдзельнікам і гасцям "Дажынак-2025" у Белаазерску

Удзельнікам і гасцям абласнога фестывалю-кірмашу "Дажынкі-2025" у г.Белаазерску

Дарагія сябры!

Сардэчна віншую з завяршэннем уборачнай кампаніі і правядзеннем абласнога фестывалю-кірмашу "Дажынкі-2025".

Гэта свята - даніна ўсенароднай павагі тым, хто працуе на хлебнай ніве, ствараючы дабрабыт роднай Беларусі.

Брэсцкая вобласць па праву лічыцца адным з самых развітых аграрных рэгіёнаў краіны. Тут жывуць людзі, якія не толькі беражліва захоўваюць лепшыя традыцыі айчыннага земляробства, але і смела ўкараняюць сучасныя тэхналогіі, паказваючы прыклад высокай культуры вытворчасці і моцнай працоўнай дысцыпліны.

Настойлівасць, адказнасць, правільная арганізацыя ўсіх працэсаў далі магчымасць вам дасягнуць выдатных вынікаў, павялічыўшы мінулагоднія паказчыкі як па ўраджайнасці, так і па намалоце. Дзякуючы каманднаму духу і з'яднанасці палова вашых раёнаў пераадолела статысячны рубеж.

Шчырыя словы ўдзячнасці адрасую не толькі хлебаробам, але і тым, хто быў побач з вамі ў дні гарачай пары, - інжынерам, механізатарам, вадзіцелям, перапрацоўшчыкам, ратавальнікам, медработнікам, кіраўнікам розных узроўняў.

Перакананы, вашы стараннасць і любоў да роднага краю дапамогуць пакарыць новыя прафесійныя вяршыні.

Жадаю брэсцкай зямлі і яе працаўнікам далейшага працвітання.

Няхай палі і надалей радуюць шчодрымі ўраджаямі, гаспадаркі - стабільнасцю, а кожная сям'я - дастаткам, шчасцем і звонкімі дзіцячымі галасамі.

Аляксандр Лукашэнка,

4 кастрычніка 2025 года

версія для друку

зрабіць стартавай

дабавіць у выбранае