Падзеі

Лукашэнка адобрыў праект пагаднення з Расіяй па ўзаемнай абароне грамадзян ад неабгрунтаванага праследавання за мяжой

Фота з архiва

10 сакавіка, Мінск /Кар. БЕЛТА/. Прэзідэнт Беларусі Аляксандр Лукашэнка 10 сакавіка падпісаў указ нумар 103, якім адобрыў у якасці асновы для правядзення перагавораў праект пагаднення паміж Беларуссю і Расіяй аб мерах па ўзаемнай абароне грамадзян ад неабгрунтаванага праследавання замежнымі дзяржавамі і міжнароднымі органамі юстыцыі. Аб гэтым БЕЛТА паведамілі ў прэс-службе беларускага лідара.

Прадметам гэтага міжнароднага дагавора з'яўляецца абарона грамадзян, у тым ліку дзеючых або былых службовых асоб, ад неабгрунтаванага праследавання трэцімі бакамі з улікам тэндэнцыі па палітызацыі міжнародных судовых органаў і іншых міжнародных механізмаў крымінальнай юстыцыі.

Міністэрству замежных спраў прадастаўлены паўнамоцтвы на правядзенне перагавораў па праекце пагаднення.

версія для друку

зрабіць стартавай

дабавіць у выбранае