Падзеі

Лукашэнка абмеркаваў з Лебедзевым перспектывы будучага старшынства Беларусі ў СНД

Сяргей Лебедзеў

10 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка абмеркаваў са старшынёй Выканаўчага камітэта - выканаўчым сакратаром Садружнасці Незалежных Дзяржаў перспектывы будучага старшынства Беларусі ў СНД. Аб гэтым Сяргей Лебедзеў расказаў журналістам пасля сустрэчы з кіраўніком дзяржавы, перадае карэспандэнт БЕЛТА.

"У размове са мной ён (Аляксандр Лукашэнка. - Заўвага БЕЛТА) яшчэ раз пацвердзіў прыхільнасць кіраўніцтва Беларусі да супрацоўніцтва ў рамках СНД. У 2021 годзе Беларусь будзе старшынёй у Садружнасці Незалежных Дзяржаў. І вось пасля нашай размовы аб выніках выбараў мы абмеркавалі і перспектывы яе будучага старшынства, тыя мерапрыемствы, якія пройдуць у Беларусі ў рамках старшынства", - расказаў Сяргей Лебедзеў. Ён падкрэсліў, што Беларусь мае намер развіваць братэрскія адносіны з усімі краінамі Садружнасці.

Выканаўчы сакратар СНД заявіў, што ў час сустрэчы ад кіраўніка дзяржавы прагучаў намер кансалідаваць беларускі народ. Паводле слоў Сяргея Лебедзева, Аляксандр Лукашэнка падкрэсліў, што інтарэсы беларускага народа для яго перш за ўсё. "Ён сказаў, што так, ёсць людзі, якія прытрымліваюцца іншай пазіцыі, яны сваё меркаванне выказалі, прагаласавалі за альтэрнатыўных кандыдатаў, але ён Прэзідэнт усёй Беларусі і, вядома, настрой людзей будзе ўлічвацца ў інтарэсах міру, стабільнасці і далейшага руху наперад", - дадаў старшыня Выканкама СНД.

версія для друку

зрабіць стартавай

дабавіць у выбранае