Падзеі

Лукашэнка абазначыў гатоўнасць Беларусі да сумеснай работы з Іарданіяй па ўсіх напрамках супрацоўніцтва

25 мая, Мінск /Кар. БЕЛТА/. Прэзідэнт Беларусі Аляксандр Лукашэнка ад імя беларускага народа і сябе асабіста павіншаваў Караля Іарданскага Хашыміцкага Каралеўства Абдалу ІІ з нацыянальным святам - Днём Незалежнасці. Аб гэтым БЕЛТА паведамілі ў прэс-службе беларускага лідара.

Кіраўнік дзяржавы адзначыў, што пад кіраўніцтвам Абдалы II каралеўства паспяхова рухаецца па шляху стабільнага развіцця, актыўна ўдзельнічае ў вырашэнні важных пытанняў рэгіянальнага парадку дня, умацоўвае свае пазіцыі на міжнароднай арэне.

"Цёплыя адносіны і ўзаемаразуменне паміж народамі Беларусі і Іарданіі - трывалы фундамент для пашырэння двухбаковых сувязей у розных галінах", - гаворыцца ў віншаванні.

Аляксандр Лукашэнка выказаў гатоўнасць да сумеснай работы па ўсіх напрамках супрацоўніцтва ў палітычнай, гандлёва-эканамічнай і гуманітарнай сферах.

Прэзідэнт пажадаў Каралю Іарданіі выдатнага здароўя, дабрабыту і новых дзяржаўных здзяйсненняў, а жыхарам Іарданіі - шчасця і згоды.

версія для друку

зрабіць стартавай

дабавіць у выбранае