Падзеі

Лукашэнка аб медыках: без вас нікуды, будзем рабіць усё, каб вы не былі пакрыўджаны

5 чэрвеня, Гродна /Кар. БЕЛТА/. У Беларусі будуць рабіць усё для развіцця аховы здароўя. Аб гэтым кіраўнік дзяржавы Аляксандр Лукашэнка заявіў на цырымоніі адкрыцця Гродзенскай абласной клінічнай бальніцы, перадае карэспандэнт БЕЛТА.

"Без вас нікуды. Нацыя не можа развівацца без моцнай адукацыі і аховы здароўя. Таму будзем рабіць усё, каб вы не былі пакрыўджаны ў Беларусі і каб вы глядзелі на Захад і думалі: а ў нас лепш", - звярнуўся Прэзідэнт да медыкаў.

"Развіццё гэтай бальніцы і наша будучыня ў гэтым плане залежыць ад вас, ад людзей у белых, але не брудных халатах. Гэта я намякаю: не разбурайце тое, што створана ў тым ліку не намі, а папярэднімі пакаленнямі. Беражыце гэта. Вам жыць на гэтай зямлі, працаваць і нашым дзецям", - падкрэсліў Аляксандр Лукашэнка.

Паводле слоў Аляксандра Лукашэнкі, у цэлым у краіне пабудавана ўжо дастаткова такіх сацыяльных аб'ектаў. Іх у першую чаргу трэба эфектыўна і аптымальна выкарыстоўваць, не дапускаючы бяздумнага будаўніцтва. А грошы, адпаведна, можна накіраваць на павышэнне даходаў работнікаў.

"Лішняга нічога быць не павінна. Трэба больш зарплату плаціць людзям - урачам, настаўнікам", - арыентуе беларускі лідар.

версія для друку

зрабіць стартавай

дабавіць у выбранае