У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі: КАСТРЫЧНІК 2020
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

8 Чэр 2016

Лукашэнка і Пуцін на сустрэчы ў Мінску абмяркуюць развіццё гандлёва-эканамічнага супрацоўніцтва Беларусі і Расіі

8 чэрвеня, Мінск /Кар. БЕЛТА/. Прэзідэнты Аляксандр Лукашэнка і Уладзімір Пуцін на сустрэчы ў Мінску, якая пройдзе ў Палацы Незалежнасці, абмяркуюць беларуска-расійскае гандлёва-эканамічнае супрацоўніцтва і іншыя актуальныя пытанні двухбаковых адносін. Аб гэтым карэспандэнту БЕЛТА расказала прэс-сакратар Прэзідэнта Беларусі Наталля Эйсмант.

"Плануецца, што асаблівы акцэнт у час сустрэчы будзе зроблены на мерах па пераадоленні зніжэння ўзаемнага тавараабароту на фоне эканамічнай нестабільнасці ў рэгіёне і свеце. Улічваючы цеснае гандлёва-эканамічнае супрацоўніцтва дзвюх краін як у рамках Саюзнай дзяржавы, так і Еўразійскага эканамічнага саюза, размова таксама пойдзе аб паглыбленні інтэграцыі, перспектывах зняцця асобных абмежаванняў ва ўзаемным гандлі", - заявіла Наталля Эйсмант.

Чакаецца, што кіраўнікі дзяржаў абмяркуюць і шэраг іншых пытанняў, якія стаяць на парадку дня двухбаковых адносін, міжнародны парадак дня.

Пасля двухбаковай сустрэчы запланаваны ўдзел Аляксандра Лукашэнкі і Уладзіміра Пуціна ў пленарным пасяджэнні III Форуму рэгіёнаў Беларусі і Расіі, якое адбудзецца ў Палацы Рэспублікі. У гэтым годзе мерапрыемства прысвечана сацыяльна-гуманітарным пытанням. Размова пойдзе аб неабходнасці далейшай уніфікацыі і збліжэння прававой базы Беларусі і Расіі ў сацыяльна-гуманітарнай сферы, сумеснага процістаяння знешнім выклікам і пагрозам, перш за ўсё эканамічнага характару.

Як адзначыла прэс-сакратар, важнае месца ў тэматыцы форуму адведзена навуковаму і навукова-тэхнічнаму супрацоўніцтву, фарміраванню агульнай адукацыйнай прасторы, партнёрства ў сферы культуры. Акцэнт у выступленні Прэзідэнта Беларусі таксама плануецца зрабіць на пытаннях клопату аб ветэранах, правядзенні дзяржаўнай маладзёжнай палітыкі, стварэнні адзінай інфармацыйнай прасторы.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс