Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

26 Крс 2017

Лукашэнка і Парашэнка прынялі сумесную заяву аб ліквідацыі наступстваў аварыі на ЧАЭС

26 красавіка, Ляскавічы /Міхаіл Маціеўскі - БЕЛТА/. Прэзідэнт Беларусі Аляксандр Лукашэнка і Прэзідэнт Украіны Пётр Парашэнка сёння па выніках перагавораў прынялі сумесную заяву аб неабходнасці прадаўжаць работу па ліквідацыі наступстваў аварыі на Чарнобыльскай АЭС. Аб гэтым кіраўнік беларускай дзяржавы заявіў на сустрэчы з прадстаўнікамі СМІ па выніках перагавораў з украінскім калегам, перадае карэспандэнт БЕЛТА.

Аляксандр Лукашэнка падкрэсліў, што ў гэтым напрамку трэба правесці яшчэ вялікую работу, нягледзячы на тое, што бакі ўжо зрабілі шмат што. Пры гэтым важна ісці нага ў нагу і прыцягваць да гэтай праблематыкі грамадскую ўвагу ўсёй планеты. "Мы прынялі адпаведную заяву", - сказаў Прэзідэнт.

У сваю чаргу Пётр Парашэнка адзначыў, што Беларусь і Украіна наладзілі эфектыўнае супрацоўніцтва ў рабоце па ліквідацыі наступстваў аварыі на ЧАЭС. Так будзе і ў далейшым, асабліва з улікам будаўніцтва ў Беларусі ўласнай атамнай станцыі. "Сёння адбыўся важны дыялог, які датычыцца бяспекі ядзерных аб'ектаў, магчымага супрацоўніцтва ў эксплуатацыі, будаўніцтве, абыходжанні з ядзернымі адходамі. Мы дамовіліся прадоўжыць вельмі важную дыскусію на ўзаемавыгаднай аснове", - звярнуў увагу ён.

Сустрэча кіраўнікоў дзяржаў адбылася ў сумны дзень для беларускага і ўкраінскага народаў - у чарговую гадавіну аварыі на ЧАЭС. Наступствы катастрофы да гэтага часу адчуваюць на сабе жыхары абедзвюх краін.

Прэзідэнты наведалі сёння атамную станцыю, азнаёміліся з будаўніцтвам новых укрыццяў і захоўваннем ядзернага паліва. На ЧАЭС, а таксама на тэрыторыі Беларусі Аляксандр Лукашэнка і Пётр Парашэнка ўшанавалі памяць загінулых пры ліквідацыі аварыі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі