Падзеі

"У бліжэйшы час мы правядзём нараду па выніках мінулага года па ўсіх праваахоўных блоках, запрасіўшы і судовую галіну ўлады, з мэтай абазначэння і разгляду пытанняў, якія знаходзяцца ў мяне на кантролі, пачынаючы з рэфармавання судова-следчай сістэмы ў цэлым", - сказаў Аляксандр Лукашэнка.

Прэзідэнт заслухаў даклад аб асноўных выніках работы Следчага камітэта ў 2016 годзе, у тым ліку аб праводзімай у ведамстве аптымізацыі. "Аптымізацыя датычыцца ўсіх. У меншай ступені, відаць, Следчага камітэта, таму што ён створаны зусім нядаўна. Але прайшло дастаткова часу, каб пераканацца ў тым, ці правільна і структурна мы пабудавалі наш Следчы камітэт, ці правільна размеркавалі функцыі і абавязкі паміж дазнаннямі і гэтак далей. Гэта пытанне таксама будзе абмяркоўвацца на нашай шырокай нарадзе з удзелам і Следчага камітэта. Гэта адно з асноўных пытанняў, якое пранізвае ўсю сістэму да Вярхоўнага суда", - звярнуў увагу кіраўнік дзяржавы.

Аляксандр Лукашэнка таксама пацікавіўся вынікамі расследавання найбольш рэзанансных крымінальных спраў. Асаблівая ўвага была звернута на неабходнасць раскрыцця жорсткага забойства бізнесмена ў Беразіне. "Гэта пытанне гонару. Я папярэджваў і кіраўніка МУС: ён паабяцаў раскрыць гэту крымінальную справу. Вы павінны звяртаць увагу на такія справы", - падкрэсліў Прэзідэнт.

Іван Наскевіч далажыў, што ў 2016 годзе ў вядзенні Следчага камітэта знаходзілася больш за 130 тыс. крымінальных спраў, з якіх звыш 52 тыс. скончана вядзеннем па справе. "У цэлым Следчы камітэт спрацаваў даволі роўна, без якіх-небудзь шараханняў убок. Грубых, яўных парушэнняў службовай дысцыпліны, якія выклікалі б шырокі грамадскі рэзананс або хваляванні, не адбылося. Працавалі ў штатным рэжыме", - заўважыў ён.