Падзеі

Лукашэнка - Саркісяну: у гэты няпросты час асаблівую каштоўнасць набываюць узаемны давер і бескарыслівая дружба, якія гістарычна звязваюць Беларусь і Арменію

23 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Прэзідэнта Арменіі Армена Саркісяна з днём нараджэння, паведамілі БЕЛТА ў прэс-службе беларускага лідара.

"Ваша шматгадовая самаадданая праца ў розных сферах - ад навукі і эканомікі да дыпламатыі і палітыкі - заўсёды была прыкладам шчырага служэння сваёй краіне і яе народу", - падкрэсліў кіраўнік дзяржавы.

"У гэты няпросты час асаблівую каштоўнасць набываюць узаемны давер і бескарыслівая дружба, якія гістарычна звязваюць Беларусь і Арменію, - выказаў меркаванне Аляксандр Лукашэнка. - Упэўнены, што на гэтым трывалым фундаменце мы зможам больш поўна рэалізаваць патэнцыял беларуска-армянскіх адносін, пашырыць сумесную дзейнасць у рамках інтэграцыйных праектаў".

Прэзідэнт Беларусі адзначыў, што са свайго боку гатовы ўсямерна садзейнічаць далейшаму развіццю супрацоўніцтва паміж дзвюма дзяржавамі.

версія для друку

зрабіць стартавай

дабавіць у выбранае