Падзеі

Лукашэнка - грамадзянам: не падштурхоўвайце людзей да процістаяння, не ганьбуйце краіну

16 жніўня, Мінск /Кар. БЕЛТА/. Прэзідэнт Беларусі Аляксандр Лукашэнка заклікае не падштурхоўваць людзей да процістаяння. Аб гэтым ён заявіў сёння на мітынгу ў Мінску, перадае карэспандэнт БЕЛТА.

"Супакойцеся, не падштурхоўвайце людзей да сілавога процістаяння. Не ганьбуйце краіну - мірную, працвітаючую і спакойную, якой усе ў свеце зайздросцілі. У нас з-за гэтага няма сяброў, у нас няма прыхільнікаў. Усе хочуць, каб мы сталі на калені. Не станем!" - сказаў ён пад авацыі мітынгуючых.

Прэзідэнт адзначыў, што сёння чуваць пагрозы сем'ям ваенных, дзяржаўных служачых - усім, хто стаў побач з Лукашэнкам. "Папярэджваю: гуляеце з агнём! І ваеннаслужачыя, і рабочыя, і сяляне, і ўрачы, і настаўнікі, наша інтэлігенцыя здольны абараніць і сябе, і свае сем'і", - падкрэсліў ён.

"Беларусь! Беларусь! Беларусь!" - скандзіравалі ў адказ удзельнікі мітынгу.

"Я прашу вас і цяпер: не чапайце настаўнікаў. Ім трэба рыхтавацца да школы. Не чапайце ўрачоў, яны не павінны сёння з "чырвоных зон" кавідных яшчэ прыходзіць некуды і апраўдвацца. Не чапайце журналістаў дзяржаўных сродкаў масавай інфармацыі і іх сем'і! Не дай бог нешта здарыцца - адкажаце спаўна!" - папярэдзіў Прэзідэнт нядобразычліўцаў.

версія для друку

зрабіць стартавай

дабавіць у выбранае