Падзеі

Кубракоў: Беларусь і ААЭ маюць невычэрпны патэнцыял для ўзаемадзеяння па ўсіх напрамках

Фота МУС

12 мая, Мінск /Кар. БЕЛТА/. Міністэрства ўнутраных спраў наведаў Надзвычайны і Паўнамоцны Пасол Аб'яднаных Арабскіх Эміратаў у Рэспубліцы Беларусь Ібрагім Салім Махамед Аль-Мушарах. На сустрэчы з міністрам унутраных спраў Іванам Кубраковым абмяркоўваліся тэрміны падпісання двухбаковых дакументаў і пытанні супрацоўніцтва паміж праваахоўнымі ведамствамі. Аб гэтым БЕЛТА паведамілі ў МУС.

Іван Кубракоў падкрэсліў, што высока цэніць існуючыя з ААЭ адносіны. "Нашы краіны маюць невычэрпны патэнцыял для развіцця ўзаемадзеяння па ўсіх актуальных напрамках, у тым ліку ў падтрыманні бяспекі і правапарадку ў нашых дзяржавах, - адзначыў міністр. - Падрыхтаваны ўжо да падпісання два міжнародныя дагаворы".

Таксама Іван Кубракоў абазначыў: на этапе ўзгаднення знаходзіцца яшчэ адзін двухбаковы дакумент.

Падзякаваўшы за цёплы прыём, Ібрагім Салім Махамед Аль-Мушарах адзначыў, што за год знаходжання ў краіне ў якасці пасла пераканаўся ў бяспецы і адкрытасці рэспублікі. "Са свайго боку прыкладу ўсе намагнні для хутчэйшага падпісання прапрацаваных дакументаў, - падкрэсліў дыпламат. - Таксама я звярнуўся ў міністэрствы замежных спраў дзвюх дзяржаў з прапановай аб падпісанні мемарандума аб стратэгічным супрацоўніцтве паміж нашымі краінамі. Гэта дасць магчымасць развіваць узаемадзеянне ў многіх сферах".

Бакі дамовіліся абменьвацца меркаваннямі па хвалюючых пытаннях як асабіста, арганізуючы візіты дэлегацый, так і праз відэасувязь. Пасол упэўнены, што праз відэамост атрымаецца азнаёміць з дзейнасцю МУС і Беларуссю ў цэлым шырокае кола чыноўнікаў ААЭ. Паказаць, што дыскрэдытуючая краіну інфармацыя, якую трансліруюць некаторыя СМІ, не мае нічога агульнага з рэальнасцю.

версія для друку

зрабіць стартавай

дабавіць у выбранае